材料
餅底 消化餅 100克 無鹽牛油溶液 40克 豆腐芝士材料 蒸煮嫩豆腐 350克 忌廉芝士(Cream Cheese) 200克 砂糖 40克 淡忌廉(Whipping Cream) 240克 魚膠片 14克 雲喱拿香油 1茶匙 檸檬汁 1湯匙 餅面裝飾 檸檬皮 少許 - 此份量做 7吋的芝士凍餅一個。
這款豆腐芝士餅，做法非常簡單，而且味道很清新，不會像一般的芝士蛋糕容易吃膩。整個蛋糕只放了 40克砂糖，屬少甜版的凍餅，如喜歡比較甜的可酌量加入糖份。豆味很香濃，‘感覺’很健康，要注意，凍餅雖然少糖，但忌廉芝士及淡忌廉都是高脂的材料，都不宜多吃。這凍餅豆味和芝士味均衡，相信喜歡芝士味的朋友要自行調教食譜的份量。Wincy 的家人都吃很津津有味，你們都快點動手做吧！
歡迎加入甜琛廚房 Facebook 專頁，分享你的烹飪樂趣，互相交流下廚心得。
http://www.facebook.com/SweetheartKitchen
- 忌廉芝士室溫放軟備用(最少兩小時)；
取 7吋慕士蛋糕圈連底托，錫紙放於底托下，慕士圈放面；
錫紙貼實慕士圈，圍住一圈包實(盡量令慕士圈不能動)，成餅模。 - 消化餅放入厚身的保鮮袋用麵粉棍壓碎至粉未狀，
或用攪拌機打碎；
混合無鹽牛油溶液，倒入餅模，用匙羹壓至平均的厚薄；
*此步驟非常重要，餅底必須壓實及貼邊，此動作可避免豆腐芝士材料倒入時溢出餅模。
放入雪櫃雪30分鐘至定型。
- 燒一鍋熱水，放入嫩豆腐氽水約1分鐘，取出略瀝乾備用；
此步驟有助防止豆腐出水。
如嫌麻煩，可同改用即食豆腐花(用前先隔去水份)，但豆味會比較少。
- 忌廉芝士放軟後加入砂糖用膠刮拌勻並按壓至幼滑；
- 加入豆腐拌勻，過篩一次成豆腐芝士漿。
- 淡忌廉用電動打蛋器打發 7成(約 5分鐘)，
- 魚膠片放入冰水浸軟，搾乾水份，再用熱水座溶或微波爐加熱至溶(約 10秒)。
**浸魚膠片的水必須為雪藏過的水或冰水，常溫水已經足以令魚膠片在水中溶化而失去功用。
將 2湯匙淡忌廉入拌入魚膠溶液內；
- 豆腐芝士漿、打發淡忌廉、魚膠溶液、雲喱拿香油及檸檬汁放入大盆拌勻；
倒入蛋糕模內，用保鮮紙或錫紙封面，放入雪櫃雪4小時才可脫模，最好雪過夜。
- 脫模前用風筒熱風吹暖慕士圈(圍圈約吹 1分鐘)，
慕士圈向上推，加入檸檬皮切件食用。
Can this beautiful recipe as it looks in the pictures be translated in English?
Thank you , sincerely Fran
可以魚膠粉代替魚膠片嗎?THANKS!
可以，用法請參考http://sweetheartkitchen.com/difference-between-gelatin-powder-and-gelatin-leaves/
請問用幾水浸d魚膠片？thanks
冇所謂的，夠浸軟就可以，因為最後都會倒掉。
唔好意思，請問做8吋應加多小份量，thanks
所有材料大約增多三分之一，例如消化餅做8吋的話需要130g。
嗨您好啊，我好鍾意睇您既食譜咖。
我試過整呢個豆腐芝士餅兩次，
兩次係落魚膠既時候，啲魚膠溶液都好快變到一舊舊，
導致整出黎個凍餅裡面有一粒粒既魚膠。
究竟要點做先唔會整到有一粒粒既情況出現呢？
可以嘗試分階段拌勻魚膠溶液，先將2湯匙淡忌廉入拌入魚膠溶液內，才將之拌入其他材料之中。
halo,我想問2湯匙淡忌廉入拌入魚膠溶液內是用打發了的淡忌廉還是未打發的淡忌廉?
打發了的淡忌廉。
halo,你好～
我想问，当豆腐和cream cheese一起的时候不能用搅拌机吗？
还有那个鱼胶隔热候就先放两汤匙whipping cream一起先，过后才一起全部搅拌？你的意思是这样吗？
Mei, 你好！
其實cream cheese 在室溫放軟後很容易壓開，用攪拌機不能將豆腐和芝士壓至幼滑，只能打散，所以用膠刮壓最好。
魚膠的用法上，你的理解正確無誤，要記得，如果魚膠溶液太熱，芝士漿太凍，也會令魚膠迅速結塊。用淡忌廉先去調和魚膠溶液的温度，再倒入混合物內最好！所以魚膠不能過熱啊！
其實落檸檬汁有咩作用？一落檸檬汁就起粒粒，點解？thx!
可能因為材料比較熱的時候就拌入檸檬汁。可以試一試在室溫的話才加入檸檬汁。
我之前跟過呢個食譜整 但係唔知點解一切開嘅時候個餅底就會碎哂 >< thank you!
**唔係壓唔實嘅粉碎, 但係好似puzzle咁一塊塊裂開 🙁
可能係消化餅的牌子不同，可以試一試增加牛油的份量。
想問係咪放入下層無咁凍既雪櫃雪？
因為之前我整木槺布丁我以為係放下層，點知雪完後切時溶得好厲害。
要足夠凍但又不能放入結冰的冰格內。如果放在最底層的蔬果格內，就可能不夠凍。
請問如果上放藍莓醬可以嗎？即藍莓豆腐芝士餅？如果可以，請問藍莓醬怎樣弄？
謝謝！
想問下如果做6寸的話個份量點減?
做6吋的話，材料份量大約為3/4，即 100克材料變成75克。
如用魚膠粉要用多少水開，常温水定凍水？
魚膠粉可先用少少常溫水開匀，再隔熱水坐溶。
如用瑪利餅可以嗎？牛油份量是否一樣
牛油應該要比較多，大約 100g 瑪利餅加60g 牛油。
用魚膠粉要用多少水開？常温水定冰水再坐熱？
如想了解更多魚膠粉的使用方法可參考魚膠粉和魚膠片的分別這篇文章。
我想問whipping cream要打到咩狀態？
因為我打唔夠十分鐘已經出哂水
我係用電動攪拌機最低既速度
其中一個可能性是whipping cream本身雪得不夠凍，whipping cream在打發的過程中一定要維持低溫。另外，亦要注意器具和打蛋器一定要非常乾淨。
想問如做6吋，份量是多少？thx
食譜7吋的話，做6吋的份量大約為原來的四份之三，即100克材料變成75克。
檸檬汁有乜用？不落可以嗎？
檸檬汁可以提味，不落也可以的。
如果是檸檬芝士餅，份量有何改變？
檸檬芝士餅的做法是不同的，暫時未有食譜。
點解整完出㴝個凍餅好粗糙，一d都唔smooth 既？
請留意豆腐芝士漿需要過篩一次。
你好，多謝你的食譜，我已整了tiramisu and tofu cheese cake了，好成功呀
多謝你的分享！
想問，此receipe用的魚膠片,如改為魚膠粉，都是用14克嗎？
是，詳情請參考魚膠粉和魚膠片的分別。
我想問如果將豆腐改成綠茶粉可以嗎??同埋綠茶粉要相同分量還是加水??謝謝
豆腐和綠茶粉的性質完全不一樣，不可互替使用。
多謝板主的分享，很成功。 朋友很喜歡 =)
請問一下如何調較份量可以減低芝士味,增加豆腐的豆味?
可以改用較濃味的豆腐，或減去 50克的忌廉芝士。
Wincy….你好！
我之前跟你呢個食譜已經成功做出過幾次好味嘅豆腐芝士蛋糕！
但，琴晚再整左前後3次都唔成功！所有步驟都順利，唯獨將淡忌廉拌入魚膠片時就起一粒粒嘅情況！
想問：
1）天氣咁凍有影響嗎？
2）我頭兩次都用微波爐叮溶魚膠，最後一次用熱水坐溶，同樣出現起粒粒情況，請問如何知道魚膠溫度適合放入淡忌廉拌勻？因為我發現冬天魚膠溶解後唔立刻使用會好快凝固！
有影響，我都試過冬天比較難做的，你是用魚膠粉嗎？如用魚膠片會容易控制一點，最好還是將兩湯匙的忌廉放入魚膠先調溫一下，才放入大盆混合。
請問 整完個蛋糕放在雪櫃裡可放幾耐？會很快變壞的嗎？
因為有奶類製品，建議冷藏並三天內食用。
請問餅底點樣整可以脆D呢？
你可將餅底放入焗爐低溫烘一烘。
點解我打whipping cream 會起哂泡既?
估計是忌廉不夠凍或盆太大，導致忌廉未能打入空氣已經油水分離。
Hi 我今日跟食譜整但用錯馬利餅
食落搞到似木槺布甸
我想問係咪d cream 本身雪完食落去都係似木糠布甸咁淋淋地，個種味？
如果還是覺得淋的可能要加多點魚膠，但芝士餅都是偏向軟身一些。
家裏沒有電動打蛋器 淡忌廉可改用手打嗎? 再不然能用攪拌機嗎？
不能用攪拌機的。
理論上可以用手打的，由於淡忌廉要在低溫才能打發成功，所以打發的速度要快，建議都是用電動打蛋器比較好。
您好，我来自大陆，很喜欢您介绍的食谱。我想请问“雲喱拿香油”是什么东西呢，我不知道对应的简写是指的什么，谢谢？
雲喱拿香油是指香草精油。