材料
雞蛋 2隻 水 200毫升 雞粉 1茶匙 鹽 ½茶匙 糖 少許 胡椒粉 少許 配料 蔥花 1湯匙 豉油 適量 熟油或麻油 適量 - 可直接用200毫升雞湯代替水、雞粉、鹽和糖混合物。
- 蛋和水的比例為1比2。
蛋是一種多變的食材，配上簡單的煮法已經可以十分美味。蒸水蛋講究的是份量和時間的控制，以前做過的蒸水蛋，要不就是水汪汪，要不就是月球表面。
在碟上加上錫紙或保鮮紙使其蒸蛋嫩滑已經不是新鮮事了，要能更方便蒸出靚靚水蛋，蒸煮及焗的時間要掌握好，蒸好後使用餘溫把蛋繼續焗熟。這樣蒸出來的蛋不會不夠熟，亦不會過老。Wincy 最喜歡在蒸蛋上加入豉油拌飯食用，這也是煮給小朋友的好煮意，家裡必備的菜式。
歡迎加入甜琛廚房 Facebook 專頁，分享你的烹飪樂趣，互相交流下廚心得。
- 水、雞粉、鹽、糖和胡椒粉拌勻；
- 蛋打發成蛋液，將調味水逐少加入蛋液拌勻。
- 準備另一個容器，用網篩隔去蛋中的雜質。
- 燒一鍋水，碟亦預先放入鍋中加熱，水滾後倒入蛋液，上蓋轉中火蒸3分鐘，然後熄火焗15分鐘；
- 隨意灑上蔥花、豉油、熟油(已加熱)或麻油調味，襯熱食用。
你提到蛋和水的比例為1比2, 但食譜寫成2隻蛋+200毫升水或雞湯.
請問蛋和水的比例是1隻蛋:100毫升水還是:200毫升水呢?
食譜的份量是以克為單位，1隻蛋約為55克，所以水的份量就是約100毫升。
妳個recipe好得! Thank you!
你個方法好掂呀，滑到唔捨得落手又食唔停口
教得好清楚，好滑又好食，夠簡單，多謝你嘅食譜
呢個食譜好掂呀，蒸出黎既水蛋真係好滑，而且冇泡泡，之前跟過其他食譜又包保鮮紙都仲係有泡，呢個既慳煤氣，蒸出黎又滑又好味，讚👍👍👍
Super great!!! Thanks for your recupe ao much!!!!
o岩o岩蒸左，正呀！