材料
急凍千層酥皮(放室溫) Pampas Puff Pastry 1 塊(24x24cm) 砂糖 ¼ 杯 牛油溶液 15克
近年曲奇四重奏、曲奇薈的七色蝴蝶酥推出主打蝴蝶酥，令到不少少女們不停暴食這個小甜點。在出名的曲奇店買這種曲奇，一般都要花上約港元$100才買到20塊。其實要在家中做這個法式甜品，極之簡單及化算得多。只要買到急凍千層酥皮(在一般的大型超級市場會買到)，家中有一個焗爐就可以了。鬆化香脆口感的蝴蝶酥，可以配上朱古力、桂花、芝士、肉鬆…等等一同製作，不妨一試喔！此食譜份量約做18-20塊。
歡迎加入甜琛廚房 Facebook 專頁，分享你的烹飪樂趣，互相交流下廚心得。
- 預備工序
急凍千層酥皮放室溫解凍至軟身；
無鹽牛油加熱成溶液。 - 製作
先準備一個清潔的工作檯，因為要灑上糖，
所以要舖上墊檯的膠布，免得砂糖弄到家裡痴臘臘；
急凍酥皮放在檯上，兩邊都均勻灑上砂糖；
然後，酥皮以中間為中線，兩邊向內摺兩摺，最後對摺成長條形，輕輕壓實。
摺成長條形後，以利刀切成 ½ 吋闊。(如圖示)
- 焗製
預熱焗爐至180°C；
焗爐盆上放上牛油紙，整齊排列好蝴蝶酥，排列時每個隔約 1 吋闊；
蝴蝶酥底面均塗上牛油溶液，酥皮打開成心形。
放入已預熱的焗爐，以 180°C焗 25 分鐘，最後的 5-8 分鐘，反另一面焗至金黃；
在焗的中途要留意蝴蝶酥的顏色，要小心焗燶。
取出後，待涼食用，即成！
(如果想用來送禮，記得要吹至完全冷卻才可入袋，否則會變淋。)
相比曲奇店的蝴蝶酥，賣相亦不錯吧！(左：曲奇四重奏，右：曲奇薈)
砂糖是在摺酥皮前撒在酥皮上嗎
焗前 要在酥皮上塗牛油嗎
砂糖是在摺之前撒的，放入焗爐前也要塗上牛油溶液。
我想自製酥皮，困難嗎？
有沒有食譜可提供？
我以前做過，十分費時，直接用現成的酥皮比較方便。
我想問現成酥皮可以係邊買?可以用黎做葡撻皮嗎?
做蝴蝶酥的這款酥皮可以在超級市場和烘焙店買到，不過這款酥皮應該不能用來製作葡撻皮的。
如果加朱古力, 肉鬆, 應該幾時落???
朱古力醬的就在焗好後加入，肉鬆可在蝴蝶酥焗正定型後，加小許蜜糖黏上去，再稍稍焗一焗。
你好丫！我想整芝士蝴蝶酥，想問問如果整芝士味使唔使落砂糖？同埋面頭加芝士應該係幾時加？感謝你！
可以照加，但每邊約一湯匙就夠。要加芝士味，建議在摺疊前撒上芝士粉。
請教如果焗完已涼，即食時中間仍有少少臨，隔左幾個鍾就已經好軟唔好食，已反覆試過整5，6次仍然不能送禮，可以指點一下嗎？
切薄一點，以及用低熱烘乾一會兒。
請問點解我既蝴蝶酥成日痴住牛油紙，請問係邊到出錯
有些牛油紙有底面之分，反轉試試吧！
請問牛油是有鹽定無鹽？
食譜中的牛油都是無鹽的。
試過整幾次，蝴蝶開得唔靚，如何改善？thx
可以試試用新開的酥皮，看看情況會不會改善。
如果臨咗，可以再翻焗嗎？
可以。
請問想送禮，要如何保存較佳？及食用期是多長？thankyou
放入密實盒內保存比較好，食用期為一至兩個星期。