材料
牛奶 700毫升 砂糖 60克 伯爵茶茶包 5個 魚膠片 12克 淡忌廉 200毫升 - 此份量可做 9個100毫升小玻璃瓶。
伯爵茶—是種做甜點的好茶葉，它的香氣很特別，如果用來飲用不太符合我的口味，但用來做甜品就令人很受落。其實這個食譜以牛奶布甸做基礎(按此重溫牛奶布甸食譜)再加以變化，大家有異曲同工之妙。做法非常簡單，完成後與朋友分享最好不過！我選用的是 Whittard of Chelsea ，英國著名的茶葉，如沒有的可改用其他牌子的伯爵茶。
歡迎加入甜琛廚房 Facebook 專頁，分享你的烹飪樂趣，互相交流下廚心得。
http://www.facebook.com/SweetheartKitchen
- 魚膠片用冰水或凍水浸軟，軟身後搾走水份備用；
- 牛奶加入砂糖，用中小火煮至微熱，然後熄火並放入茶包加蓋焗 15分鐘，
焗好後用網篩和湯匙輕力按壓出茶包內的牛奶。
- 將伯爵茶奶混合物過幼網篩放入量杯，襯暖加入魚膠片拌勻至溶解，再倒入淡忌廉拌勻。
- 網篩洗淨，將液體再用網篩緩緩倒入小瓶內(確保沒有茶渣影響口感)，加蓋冷藏數小時至凝固即可。如沒有小玻璃瓶可改用啫喱杯或小茶杯也十分別緻。
如用魚膠粉份量如何?請指教!!
兩者份量相約，請參考 魚膠粉和魚膠片的分別。
Hi, 我想問如果整5人份的話, 材料應如何調整? 謝謝
食譜的份量可以做 9個100毫升小玻璃瓶，想做5個小玻璃瓶的話材料大約減半。
不放淡忌廉可以嗎?
放淡忌廉就濃滑一點。不放的話口感就會比較像啫喱。
請問如果不放忌廉，牛奶量是否需要增加？
可以牛奶用同等份量代替，不過口感會不同的。
謝謝分享，我尋日整左，家人們都讚不絕口，我的伯爵茶包之前是用來焗曲奇餅多，原來做奶凍也非常好味，啲茶包又多一個用途了。
謝謝你的支持！
用紅茶得唔得？
可以用紅茶代替。
請問茶包邊度有得買？
在香港超市都可買到不同牌子的伯爵茶茶包，我的茶包是在英國購入的。
如買錯了甜忌廉,可用嗎??
這個食譜最好都是用淡忌廉會比較好，因為用淡忌廉最主要就是想要有奶的香味，而甜忌廉通常都是由植物油提煉而成。
我想問放在雪櫃係邊格都得?
0-4°C，普通格就可以，不用到冰格。
我係國外的網站買魚膠片有分120bloom，140bloom，170bloom，200bloom，230bloom，想請問究竟有咩唔同，選邊種比較合適？係唔同甜品用唔同bloom數？
bloom係量度魚膠片的凝固能力，一般在街上出售的都是230bloom以上的魚膠片。
hello~請問你d杯仔係邊度買噶?
thx!!
我是在淘寶網買的，烘焙店/上海街都可以買到。
我想整綠茶布甸，但綠茶粉好難溶，請問有冇建議?
先用少許奶(約 1至2湯匙)開勻綠茶粉，再拌入。
整完可以放幾日？
奶製品建議 3天內食用。
想茶味濃啲 係咪可以用多兩個茶包
可以的。