材料
澄麵 225克 木薯粉 25克 鹽 4克 沸水 約250克 橄欖油 半湯匙 + 適量塗於器皿 - *如沒有木薯粉則以澄麵代替，而轉用全澄面的口感會比較有嚼勁。
- *麵類和水的比例是 1:1 。
記得自己幼稚園的時候，我覺得這個銀針粉得討厭，並不是因為它的味道唔好，而係我用筷子又夾唔到，用匙羹最多只可以食到兩三條，用叉更加只係每次一條。食完成碗放湯的銀針粉，碗湯都凍哂，一直都唔明白銀針粉的正確食法，Wincy 知道很多人要會拿來炒，但我都係鐘情放湯的粉。有朋友話‘買仲好啦’，雖然銀針粉不是什麼特別的食物，但可以自己親手造出黎都好有滿足感呢！
歡迎加入甜琛廚房 Facebook 專頁，分享你的烹飪樂趣，互相交流下廚心得。
- 預備工序
澄麵、木薯粉過篩加入鹽拌勻。
準備一個已塗油的器皿及一塊濕布。 - 製作
將準備好的粉類置於深盆內，將沸水撞入盆裡，快速攪拌。
拌勻後蓋上濕布，焗 3 分鐘左右。
焗完後加入半湯匙油搓至柔軟，便可造型了。
- 造型
粉糰用濕布蓋著，以免變乾，每次取出小量使用。
取適量粉糰，搓成兩頭尖的長橄欖形，放於已塗油的器皿上代蒸。 - 蒸
準備一鍋熱水，水滾後放銀針粉以大火蒸 10-15 分鐘即成。
其實塗點油在銀針粉上，便可以搭著一起蒸，但Wincy 認為分開銀針粉，熱力會分佈得比較均勻。
完成後可以造成不同菜色：
可以加入 XO醬炒火腿絲、蘿蔔絲、椰菜絲等等。
簡簡單單加入上湯，放點蔥花，煮成湯銀針粉亦可。
