材料
牛油皮 無鹽牛油(室溫) 130克 糖霜 55克 雞蛋 1隻 低筋麵粉 220克 奶粉 10克 鹽 1克 朱古力塗層 65%朱古力 50克 餡料 淡忌廉 (Whipping Cream) 200毫升 砂糖 20克 新鮮水果 適量 塗面啫喱 鏡面果膠 20克 - 牛油皮所用到的糖霜可用砂糖代替；奶粉可增加香氣，可改用雲喱拿香油½茶匙或省略不用。
- 鏡面果膠可在烘焙店買到。
掌握了撻皮的基本製作就可配搭出很多不同類型的批及撻，如鮮奶撻、雞批、蘋果批等。今次做的鮮果撻適合成為派對上的小食，鮮艷奪目的顏色使人垂涎欲滴，宴客亦十分得體。雖然步驟比較繁複，但做出來的效果媲美市售的鮮果撻，成本亦比較低，水果更可自己配搭，值得大家花點心思去製作呢！
撻皮詳細部份可參閱上一篇文章蛋撻食譜，此份量可做3吋蛋撻模15個。
歡迎加入甜琛廚房 Facebook 專頁，分享你的烹飪樂趣，互相交流下廚心得。
http://www.facebook.com/SweetheartKitchen
- 牛油室溫放軟加入糖霜，用蛋拂打勻。
雞蛋打散，分數次加入混合物打勻。
- 量好低筋麵粉及奶粉，拌入牛油混合物內，加入鹽用膠括拌勻，成牛油皮麵糰，放入雪櫃冷藏約20分鐘。
麵糰搓勻即可，搓太耐起筋的話會使餅皮收縮。
- 預熱焗爐 180°C。
- 牛油皮分成 15份，
每份約 30克，用姆指按壓撻模成型。
用叉在撻皮上刺幾下，放入已預熱的焗爐底層約 15分鐘，焗至金黃色後取出放涼。
- 淡忌廉加入砂糖，用電動打蛋器打起，放入唧袋，再放入雪櫃備用。
- 朱古力用熱水坐融，每個撻模倒入 1茶匙朱古力溶漿，再搖勻至四周。在室溫凝固及脫模。加入朱古力塗層可防止撻皮變潮，保持脆口。
- 鏡面果膠隔熱水坐融，不夠熱的話可以放入微波爐加熱約 10秒。
鏡面果膠可使水果保持濕度，顏色保持亮澤。
- 準備水果，將不同種類的水果切成自己喜好的樣子。
**鮮果數量不用太多，我用了數粒士多啤梨、 1個奇異果、2片罐頭蜜桃、1片罐頭菠蘿。 - 將淡忌廉唧入撻中至 9成滿，然後將生果鋪在忌廉上，最後將果膠輕力用掃塗在水果表面。注意果撻必須冷藏，並於數天內享用。
請問鏡面果膠在那裡買到的?用魚膠粉開水代替可以嗎?
鏡面果膠可在烘焙店買到。如用魚膠粉開，先用4克魚膠粉加入50毫升凍水，座熱水至溶使用，再要加入砂糖調味，色澤又比較奶白，如買到的用鏡面果膠比較好。
可用低筋、普通、中筋面粉代替吗？
你意思是問低筋麵粉做的撻皮可否用中筋麵粉(即普通麵粉)代替嗎？每一種麵粉都有他的筋性，筋性越高，做出來的口感越有嚼勁。
低筋麵粉做出來的食品比較鬆軟，如想用中筋麵粉代替，建議加入粟粉使用，因為粟粉沒有筋性，混和後可使中筋的筋性降低。如食份量為100克低筋，就可改為80克中筋加20克粟粉使用。
如不介意硬一點的可直接使用中筋。
Halo~
請問淡忌廉要打到幾成??
九成至十成，打發至企立。
Thanks a lot~
好鍾意睇你既甜品食譜^^
多謝你們的支持=)我會繼續多寫食譜！
請問可以放置多少天?
因為有奶製品及鮮果，建議冷藏情況下3天內食用。
鏡面果膠英文名稱是什麼？
Mirror Glaze。
這個份量除二也可以嗎@@?
可以。最主要是因為以有些食譜涉及尺寸和高度所以未必能直接除二，此食譜減去份量後只會影響製成品數量。
想問多個低b問題…甘鹽同雞蛋也要減半嗎？
Thanks
要。
同埋我想用速溶吉士代替cream…hehee^+++^
吉士醬也好味道呀！
Hehee…我個生果tart好成工呀…不蛋tart個蛋焗唔熟…點解既？
仲有啊…heheehehehehe…板主你有沒有蜂蜜蛋糕既食譜呀？好想整呢個…heheheee A_A
期待你的分享，蛋撻未熟就要加長點時間再取出。蜂蜜蛋糕要用木框才做到，我暫時都冇特別去買。
唔該，我想問奶粉係唔係要指定邊隻？高鈣、低脂、脫脂，會唔會影響口感？轉用牛奶得唔得？我打算焗完個皮加果醬食^^
無指定奶粉，當然用全脂會更可口，如沒有可省略。
預熱要預熱幾耐？
一般要8至10分鐘左右。